పదవుల కోసం పార్టీ పెట్టలేదు

దివంగత ముఖ్యమంత్రి, టీడీపీ ఆవిర్భావానికి కారకుడు అయిన ఎన్టీఆర్ డబ్బుకోసం పదవుల కోసం పార్టీ పెట్టలేదని ప్రజలకోసం పెట్టారని తామూ అదే వారసత్వం కొనసాగిస్తున్నామని ఏపీముఖ్యమంత్రి, టీడీపీ అధ్యక్షుడు చంద్రబాబునాయుడు అన్నారు. తెలుగుదేశం పార్టీ 35వ ఆవిర్భావ దినోత్సవం సందర్భంగా ఎన్టీఆర్‌ ఘాట్‌ వద్ద ముఖ్యమంత్రి చంద్రబాబునాయుడు నివాళులర్పించారు. చంద్రబాబు కుమారుడు లోకేష్, పార్టీ తెలుగు రాష్ట్రాల అధ్యక్షులు కళా వెంకట్రావు, ఎల్‌.రమణ, ఏపీ మంత్రులు చినరాజప్ప, దేవినేని ఉమామహేశ్వర్‌రావు, పరిటాల సునీత, పీతల సుజాత, టీటీడీఎల్పీ నేత రేవంత్‌రెడ్డి తదితరులు నివాళులర్పించారు.