ఎమ్మెల్యేలకు చంద్రబాబు వార్నింగ్

ఎమ్మెల్యేలంతా అసెంబ్లీ సమావేశాలను సీరియస్‌గా తీసుకోవాలన్నారు చంద్రబాబు. ప్రతిపక్షం లేదని తేలికగా తీసుకోవద్దన్నారు. సభ్యులంతా కచ్చితంగా సభకు రావాల్సిందేనని చెప్పారు. అసెంబ్లీ వాయిదా తర్వాత మంత్రులు, వ్యూహ కమిటీ సభ్యులతో సమావేశమయ్యారు. అసెంబ్లీ సెషన్స్‌పై వారితో చర్చించారు. ఎమ్మెల్యేలు ఎవరూ ప్రైవేట్ కార్యక్రమాలు పెట్టుకోవద్దని సూచించారు. సభలో ప్రతిపక్షం లేదనే ఫీలింగ్‌లో ఉంటే కష్టమన్నారు. కీలకమైన బడ్జెట్ సమావేశాలు కాబట్టి... ప్రతి రోజూ అసెంబ్లీకి రావాల్సిందేనని తేల్చి చెప్పారు.

ఎమ్మెల్యేల హాజరు బాధ్యత ఇంఛార్జ్ మంత్రులు తీసుకోవాలని సూచించారు. ఎమ్మెల్యేలు, మంత్రులు పూర్తి అవగాహనతో మాట్లాడాలని చెప్పారు. ప్రతిపక్షం లేకపోయినా... టీడీపీనే ఆ బాధ్యతను తీసుకోవాలన్నారు. ప్రతి సభ్యుడూ ఈసారి బడ్జెట్‌పై అవగాహన పెంచుకోవాలని కూడా సూచించారు.