ఏపీ సీఎం మళ్లీ చంద్రబాబే: సుమన్

తెలంగాణలో ప్రజా తీర్పు తాను ఊహించినట్లే వచ్చిందన్నారు సినీనటుడు సుమన్. కేసీఆర్ తెలంగాణ ముఖ్యమంత్రిగా మళ్లీ పగ్గాలు చేపడుతున్నందుకు చాలా ఆనందంగా ఉందన్నారు. కలియుగ వైకుంఠం తిరుమలలోని శ్రీవెంకటేశ్వరస్వామి వారిని గురువారం ఆయన దర్శించుకున్నారు. అనంతరం ఆలయం వెలుపల మీడియాతో మాట్లాడారు.

తెలంగాణ ఎన్నికల్లో చాలామంది కూటమిగా ఏర్పడినప్పటికీ కేసీఆర్ ఒంటరిగా పోటీచేసి అద్వితీయ విజయం సాధించారన్నారు సుమన్. పశ్చిమబంగాలో జ్యోతిబసు పాలనలాగే తెలంగాణలో కేసీఆర్ పాలన సాగాలని ఆకాంక్షించారు. తెలంగాణకు మళ్లీ కేసీఆరే సీఎం అయినట్లే.. ఆంధ్రప్రదేశ్‌కు చంద్రబాబే మళ్లీ ముఖ్యమంత్రి అవుతారని సుమన్ జోస్యం చెప్పారు.