Chiranjeevi: పవన్ కళ్యాణ్‌కు ఛాలెంజ్ విసిరిన చిరంజీవి

హరిత హారం ఛాలెంజ్‌కు మంచి స్పందన లభిస్తోంది. కల్వకుంట్ల కవిత, కేటీఆర్, సచిన్, లక్ష్మణ్, మహేశ్ బాబు లాంటి ప్రముఖులు ఇప్పటికే గ్రీన్ ఛాలెంజ్‌ను స్వీకరించి మొక్కలు నాటారు. తాజాగా వీరి సరసన మెగాస్టార్ చిరంజీవి చేరారు. ఎన్టీవీ చైర్మన్ నరేంద్ర చౌదరి విసిరిన హరిత ఛాలెంజ్‌కు మెగాస్టార్ స్పందించారు. తన గార్డెన్లో మూడు మొక్కలను నాటారు. తర్వాత బిగ్ బీ అమితాబ్ బచ్చన్, రామోజీ గ్రూప్ సంస్థల చైర్మన్ రామోజీరావు, జనసేన అధినేత పవన్ కల్యాణ్‌లకు చిరంజీవి హరిత సవాల్ విసిరారు.

ఈ సందర్భంగా.. చిరంజీవి మొక్కలు నాటిన వీడియోను మీడియాకు విడుదల చేశారు. ఇంద్ర సినిమాలోని ఘల్లుఘల్లుమని.. సాంగ్ బ్యాక్‌గ్రౌండ్లో వస్తుండగా.. మెగాస్టార్ మొక్కలు నాటుతున్న వీడియో సోషల్ మీడియాలో వైరల్‌గా మారింది.
సినీ నటుడు అక్కినేని నాగార్జునకు రాజ్యసభ సభ్యుడు సంతోష్ కుమార్ గ్రీన్ ఛాలెంజ్ విసిరారు. ఉపరాష్ట్రపతి వెంకయ్య నాయుడు, గవర్నర్ నరసింహన్‌లతోపాటు నాగార్జునకు ఆయన ట్విట్టర్ వేదికగా సవాల్ విసరగా.. త్వరలోనే మొక్కలు నాటుతానని నాగ్ బదులిచ్చారు.