ఎంసెట్ పేపర్ లీక్ నిందితుడి అరెస్ట్

ఎంసెట్ ప్రశ్నాపత్రం లీకేజీ కేసులో కీలక సూత్రధారి అయిన ఎస్.బి. సింగ్‌ను సీఐడీ పోలీసులు అదుపులోకి తీసుకున్నారు. సింగ్‌తో పాటు అతడి అనుచరుడు అనూప్‌కుమార్‌ను కూడా సీఐడీ పోలీసులు ఉత్తరప్రదేశ్‌లో అరెస్ట్ చేశారు. తాజాగా ఈ నిందితులను పోలీసులు హైదరాబాద్‌కు తీసుకొచ్చారు. గతేడాది తెలంగాణ రాష్ట్రంలో ఎంసెట్ (మెడికల్) పేపర్ రెండుసార్లు లీకేజీకి గురైన విషయం తెలిసిందే.

బీహార్ వాస్తవ్యుడైన సింగ్ తన అనుచరులతో కలిసి వివిధ పరీక్షల ప్రశ్నాపత్రాలు లీక్ చేసినట్లు సీఐడీ పోలీసులు.. తమ విచారణలో గుర్తించారు. అతడు 2005లో మొట్టమొదటిసారిగా రైల్వే రిక్రూట్‌మెంట్ బోర్డ్ ఎగ్జామ్ పేపర్‌ను లీక్ చేసి వార్తల్లోకి ఎక్కాడు. ఇతడు తన బృందంతో కలిసి 10 రాష్ర్టాల్లో 12 సార్లు ప్రశ్నాపత్రాలు లీక్ చేసినట్లు సమాచారం.