మృతుల కుటుంబాలకు రూ.5 లక్షలు: కేసీఆర్

వరంగల్ భద్రకాళి బాణాసంచా గోదాంలో బుధవారం (జులై 4) జరిగిన అగ్నిప్రమాద ఘటనపై సీఎం కేసీఆర్ తీవ్ర దిగ్భ్రాంతి వ్యక్తం చేశారు. ప్రమాదంలో ప్రాణ నష్టం జరగడం పట్ల విచారం వ్యక్తం చేశారు. దుర్ఘటనలో మృతి చెందినవారి కుటుంబాలకు ఆయన ప్రగాఢ సానుభూతి తెలిపారు. అలాగే మృతుల కుటుంబాలకు రూ. 5 లక్షల నష్టపరిహారం ప్రకటించారు. బాధిత కుటుంబాలను అన్ని విధాలుగా ఆదుకుంటామని హామీ ఇచ్చారు. క్షతగాత్రులకు ప్రభుత్వ ఖర్చులతో వైద్య సేవలు అందిస్తామని సీఎం పేర్కొన్నారు.

మరోవైపు అగ్నిప్రమాద ఘటనలో మృతుల సంఖ్య మరింత పెరిగే అవకాశముందని జిల్లా కలెక్టర్ హరిత తెలిపారు. ఇప్పటివరకూ 11మంది మృతి చెందారని, ముగ్గురు క్షతగాత్రులను చికిత్స నిమిత్తం వరంగల్ ఎంజీఎంకు తరలించినట్లు తెలిపారు.