డబుల్ బెడ్‌రూం లబ్దిదారులకు సీఎం ఫోన్

తెలంగాణ ప్రభుత్వం చేపట్టిన రెండుపడక గదుల (డబుల్ బెడ్ రూం) లబ్దిదారులతో ముఖ్యమంత్రి కేసీఆర్ మాట్లాడారు. ఖమ్మం జిల్లా మద్దులపల్లిలో ఉగాది (బుధవారం) పర్వదినం సందర్భంగా మంత్రి తుమ్మల నాగేశ్వరరావు ఆధ్వర్యంలో సామూహిక గృహ ప్రవేశాలు జరిగాయి.

ఈ గృహ ప్రవేశాలు చేసిన వారికి కేసీఆర్ ఫోన్ చేసి సౌకర్యాలపై ఆరా తీశారు. లబ్ధిదారుల్లో ఒకరైన నాగమణి అనే మహిళకు ఫోన్ చేశారు. ఇల్లు ఎలా ఉంది? సౌకర్యాలు బాగున్నాయా? అని అడిగారు.

సీఎం ఫోన్ చేయడంతో ఉక్కిబిక్కిరైన నాగమణి.. ఇల్లు లేని తనకు ఇల్లు కేటాయించినందుకు కేసీఆర్ కు ధన్యవాదాలు తెలిపింది. కేసీఆర్ రుణం తీర్చుకోలేనిదని ఆమె చెప్పింది.