ఆ ఎమ్మెల్యేకు అపాయింట్‌మెంట్ ఇవ్వని కేసీఆర్!

సీఎం కీసీఆర్‌ను కలవడానికి మహబూబాబాద్‌ ఎమ్మెల్యే శంకర్‌ నాయక్‌ చేసిన ప్రయత్నాలు ఫలించలేదు. మూడో విడత హరితహారం కార్యక్రమం సందర్భంగా శంకర్‌ నాయక్‌ మహబూబాబాద్‌లో కలెక్టర్‌ ప్రీతీ మీనా పట్ల అనుచితంగా ప్రవర్తించారనే ఆరోపణలు ఎదుర్కొంటున్న విషయం తెలిసిందే. ఈ ఘటనపై సీఎంను కలిసి వివరణ ఇచ్చేందుకు ఆయన శుక్రవారం (జులై 14) మధ్యాహ్నం సిద్దిపేట జిల్లా మర్కూక్ మండలంలోని ఎర్రవెల్లి సమీపంలో ఉన్న ఫాంహౌ్‌సకు వెళ్లారు. అయితే.. ఆయనకు సీఎం అపాయింట్‌మెంట్‌ ఇవ్వలేదు.

భద్రతా సిబ్బంది లోపలికి అనుమతించకపోవడంతో శంకర్ నాయక్ చాలాసేపు మెయిన్ గేటు వద్ద వేచి చూశారు. సీఎంను ఎవ్వరూ కలిసేందుకు వీలులేదని అధికారులు తేల్చిచెప్పడంతో ఆయన అక్కడి నుంచి తిరిగి హైదరాబాద్‌కు వెళ్లిపోయారు.