కేసీఆర్‌కు స్వాగతం పలికిన పోలీసు జాగిలం

తెలంగాణ సీఎం కేసీఆర్‌కు శుక్రవారం ఒక అనుకోని అతిథి ఎదురయ్యారు. హైదరాబాద్ లోని హెచ్ఐసీసీలో ఎస్సై స్థాయి నుంచి డీజీపీ స్థాయి పోలీసు అధికారులతో కేసీఆర్ సమావేశమయ్యారు. ఈ సమావేశంలో పోలీసులు ఏర్పాటు చేసిన ఎగ్జిబిషన్ ను సీఎం తిలకించారు. ఈ సందర్భంగా పోలీసు జాగిలం ఒకటి కేసీఆర్ కు పుష్పగుచ్చం అందించి స్వాగతం పలికింది. ఇతర జాగిలాలు సీఎంకు సెల్యూట్ చేశాయి.

బాంబ్ స్వ్కాడ్ పనితీరు, సెర్చ్ అండ్ డిటెన్షన్, ప్రొటెక్షన్ అండ్ డిస్పోజబుల్ పరికరాల పనితీరును సీఎం పోలీసు అధికారులను అడిగి తెలుసుకున్నారు.

షీ టీం పనితీరుపై అధికారులు కేసీఆర్ కు వివరించారు.