2019లో తెలంగాణ సీఎం ఈయనేనట!

2019 అసెంబ్లీ ఎన్నికల్లో కాంగ్రెస్ అత్యధిక స్థానాలు గెలుస్తుందని..కాబోయే ముఖ్యమంత్రి తానేనని తెలంగాణ కాంగ్రెస్ నేత కోమటిరెడ్డి వెంకటరెడ్డి జోస్యం చెప్పారు. ఏనాటికైనా సీఎం కావాలన్నదే తన ధ్యేయమని ఆయన మనసులోని మాటను వెలిబుచ్చారు.

నిర్మల్ జిల్లా కడెంలో ఆయన మీడియాతో మాట్లాడారు. కేసీఆర్ ప్రభుత్వం ఆంధ్రా వారికే కాంట్రాక్టులు కట్టబెడుతుందని కోమటిరెడ్డి విమర్శించారు. ప్రభుత్వ ఖజానాను సీఎం ఇష్టానుసారంగా దుబారా చేస్తున్నారని మండిపడ్డ ఆయన...పెద్దనోట్ల రద్దుతో రైతులు, కూలీలు, పేదలు తీవ్ర ఇబ్బందులు పడుతున్నారని..మోదీ నిర్ణయం సరికాదని అన్నారు.