రైతులకు ప్లాట్లను కేటాయించిన సీఆర్డీఏ

ఆంధ్రప్రదేశ్ రాజధాని అమరావతి నిర్మాణానికి భూములిచ్చిన రైతులకు ఏపీ సీఆర్డీఏ ప్లాట్ల పంపిణీని శరవేగంగా చేస్తోంది. గుంటూరు జిల్లా తుళ్లూరులో సీఆర్డీఏ కార్యాలయం ఆవరణలో రైతులకు ప్లాట్ల ఎంపిక కార్యక్రమాన్ని పూర్తిచేసింది. ప్లాట్లను ఆన్ లైన్ లాటరీ విధానంలో ఎంపిక చేశారు. 1834 నివాస సముదాయ ప్లాట్లు, 1265 వాణిజ్య సముదాయ ప్లాట్లను రైతులకు కేటాయించారు. సీఆర్డీఏ కమిషనర్ చెరుకూరి శ్రీధర్ ఈ కార్యక్రమాన్ని దగ్గరుండి పూర్తి చేశారు.

నవ్యాంధ్ర రాజధాని అమరావతిని నిర్మించేందుకు వందల మంది రైతులు స్వచ్ఛందంగా ప్రభుత్వానికి తమ భూముల్నిచ్చారు. వారి భూముల్ని తీసుకున్న ప్రభుత్వం ఆ చుట్టుపక్కలే వారికి నివాస సముదాయాలకు, వాణిజ్య సముదాయాలకు ప్లాట్లను కేటాయించి వారికి అందించింది. పంపిణీ కార్యక్రమమంతా ప్రశాంతంగా ముగిసింది.