కాంగ్రెస్ పార్టీకి టాటా చెప్పిన దానం నాగేందర్ కారెక్కెందుకు డేట్ ఫిక్స్ చేసుకున్నట్లు ఆయన అనుచరులు శనివారం ధ్రువీకరించారు. వారు తెలిపిన వివరాల ప్రకారం.. దానం ఆదివారమే ఆయన ముఖ్యమంత్రి కేసీఆర్ సమక్షంలో టీఆర్ఎస్ తీర్థం పుచ్చుకోనున్నారు.
Samayam Telugu23 Jun 2018, 5:35 pm
కాంగ్రెస్ పార్టీకి టాటా చెప్పిన దానం నాగేందర్ కారెక్కెందుకు డేట్ ఫిక్స్ చేసుకున్నట్లు ఆయన అనుచరులు శనివారం (జూన్ 23) ధ్రువీకరించారు. వారు తెలిపిన వివరాల ప్రకారం.. దానం ఆదివారమే (జూన్ 24) ముఖ్యమంత్రి కేసీఆర్ సమక్షంలో టీఆర్ఎస్ తీర్థం పుచ్చుకోనున్నారు. కాంగ్రెస్ పార్టీలో రాజశేఖర్ రెడ్డిలా భరోసా ఇచ్చేదెవరు? పార్టీలో ఒకే వర్గానికి ప్రాధాన్యమిస్తున్నారని, ఆత్మగౌరవం లేని చోట ఉన్న ఒకటే, లేకున్న ఒకటే అని.. దానం చేసిన వ్యాఖ్యలు కాంగ్రెస్ పార్టీలో కొత్త రాజకీయ పరిణామాలకు దారితీసే అవకాశాలున్నాయి.
Samayam Telugu
ఇప్పటికే కాంగ్రెస్ పార్టీలోని ఒకవర్గం తెలంగాణ చీఫ్ ఉత్తమ్ కుమార్‌రెడ్డిపై అధిష్టానానికి ఫిర్యాదు చేసిన సంగతి తెలిసిందే. ఉత్తమ్ కూడా టీఆర్‌ఎస్‌లో చేరనున్నట్లు వారు అధిష్టానానికి తెలిపారు. దీంతో ఢిల్లీ రావాల్సిందిగా ఉత్తమ్‌కు ఆదేశాలు అందాయి. ఈ పరిస్థితుల నేపథ్యంలో మరికొంత మంది నేతలు కూడా తమ దారులు తాము వెతుక్కునే పనిలో పడ్డారు.
కాంగ్రెస్ పార్టీలో జరగుతున్న తాజా పరిణామాలను ఆసరాగా తీసుకున్న కేసీఆర్.. ఆపరేషన్ ఆకర్ష్‌కు మరోసారి తెరతీశారు. ఇందులో భాగంగానే దానంను టీఆర్‌ఎస్‌లోకి ఆహ్వానించినట్లు తెలుస్తోంది. 2019 ఎన్నికల్లో టీఆర్‌ఎస్‌కు గట్టి పోటీ ఇస్తుందని భావిస్తున్న కాంగ్రెస్ పార్టీకి ఇది కోలుకోలేని దెబ్బగా పరిణమించే అవకాశం ఉంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
