కుటుంబ వివాదం.. అత్తను కడతేర్చిన కోడలు

పశ్చిమగోదావరి జిల్లాలో దారుణం జరిగింది. కుటుంబంలో మొదలైన చిచ్చు హత్యకు దారి తీసింది. అత్తపై కోపం పెంచుకున్న కోడలు.. కిరాతకంగా హత్య చేసింది. ఇరగవరం మండలం రేలంగికి చెందిన మహాలక్ష్మి.. నారాయణీదేవిలు అత్తాకోడళ్లు. కొద్దిరోజులుగా ఇద్దరి మధ్య తరచూ గొడవలు జరుగుతున్నాయి. రెండుమూడుసార్లు కుటుంబ సభ్యులు సర్థిచెప్పడంతో వివాదం ముగిసింది. ఇంట్లో చేయాల్సిన పని విషయంలో శనివారం కూడా ఇద్దరి మధ్య వాగ్వాదం నడిచింది.

అత్తపై కోపం పెంచుకున్న కోడలు.. ఎలాగైనా ఆమెను హతమార్చాలని స్కెచ్ వేసింది. అత్త మహాలక్ష్మి మొహంపై దిండు పెట్టి ఊపిరి ఆడకుండా చేసింది. దీంతో ఆమె చనిపోయింది. ఈ ఘటనపై కేసు నమోదు చేసిన పోలీసులు దర్యాప్తు చేస్తున్నారు. మరోవైపు అత్త తీరుతో విసిగిపోయి హత్యకు పాల్పడినట్లు కోడలు చెప్పినట్లు పోలీసులు తెలిపారు. ఘటనకు సంబంధించిన పూర్తి వివరాలు త్వరలో చెబుతామంటున్నారు.