ఎంసెట్ 2 లీక్ పై నేడు సీఐడీ నివేదిక

ఎంసెట్ 2 మెడిసిన్ పేపర్ లీక్ తెలంగాణ ప్రభుత్వానికి పెద్ద తలనొప్పిగా మారింది. అసలే ఎంసెట్ 1 ని కాదని ఎంసెట్ 2ని పెట్టారు. ఇప్పుడు ఈ లీకేజీ వ్యవహారంతో... ఎంసెట్3 ని కూడా పెట్టాల్సిన పరిస్థితి ఏర్పడింది. అయితే ఎంసెట్ 3 పెడితే తాము ఒప్పుకోమని, మంచి ర్యాంకులు తెచ్చుకున్న తమ పిల్లలు ఏ అఘాయిత్యానికైనా పాల్పడితే ఎవరిది బాధ్యత అంటూ తల్లిదండ్రులు రోడ్డెక్కారు. సర్కారు మాత్రం ఏం చేస్తామన్నది ఇంతవరకు చెప్పలేదు. ఎంసెట్ 2 లీక్ పై సీఐడీ నేడు నివేదిక ప్రభుత్వానికి ఇవ్వనుంది. ఆ నివేదికను చూశాక ప్రభుత్వం తమ నిర్ణయాన్ని ప్రకటించనుంది. ఎంసెట్ 3 పెట్టకపోతే... లీకైన పేపర్ చేరిన 72 మంది విద్యార్థులపైనే చర్యలు తీసుకుంటారు. లేకుంటే మొత్తం అందరికీ మళ్లీ ఎంసెట్ నిర్వహిస్తారు... ప్రస్తుతం సర్కారు చేతిలో ఉన్నది ఈ రెండే ఆప్షన్లు. సర్కాలు ఏం చేస్తుందో చూడాలి.

కాగా పేపర్ లీకేజీలో భాగస్వాములుగా ఉన్న తిరుమల్, విష్టులను అరెస్టు చేసిన పోలీసులు... వారిని రహస్య ప్రాంతంలో విచారిస్తున్నారు. ప్రధాన సూత్రధారి ఖలీల్ కోసం తీవ్రంగా గాలిస్తున్నాయి.