ఒంటరి మహిళలకు రూ.వెయ్యి భృతి

సమాజంలో ఒంటరి జీవితాలు గడుపుతున్న మహిళలకు తెలంగాణ ప్రభుత్వం రూ.వెయ్యి జీవన భృతి కల్పిస్తున్నట్లు ముఖ్యమంత్రి కేసీఆర్ ప్రకటించారు. శుక్రవారం అసెంబ్లీలో కేసీఆర్ ఈ మేరకు ప్రకటన చేశారు. ఈ యేడాది మార్చి నెల నుంచి వివిధ కారణాలతో ఒటరిగా ఉంటున్న మహిళలు నెలకు రూ.1000 భృతికి అర్హులని ఆయన తెలిపారు.

ఈ పథకానికి వచ్చే మార్చిలో ప్రవేశపెట్టే బడ్జెట్ లో నిధులు కేటాయిస్తాం. అర్హులైన వారే ఈ పథకానికి అర్హులు. ఒంటరి మహిళలు తమ పేర్లను ప్రభుత్వం వద్ద నమోదు చేసుకోవాలని...వారి నమోదు కార్యక్రమాన్ని ఎమ్మెల్యేలు బాధ్యతగా తీసుకోవాలని కేసీఆర్ సూచించారు. రాష్ట్రంలో ఒంటరి మహిళల సంఖ్య 2లక్షల నుంచి 3 లక్షల వరకు ఉంటుందని అంచనా వేశామని ఆయన తెలిపారు.

ఒంటరితనం పురుషుల కన్నా స్త్రీలనే అధికంగా వేధిస్తుందని చెప్పిన కేసీఆర్...ప్రజల సంక్షేమమే తమ ధ్యేయమని స్పష్టం చేశారు.