సీఎం అడిగినా చప్పట్లు కొట్టలేదు: రేవంత్

గురువారం వరంగల్ లో జరిగిన టిఆర్ఎస్ ఆవిర్బావ సభ పేలవంగా జరిగిందని తెలంగాణ టీడీపీ వర్కింగ్ ప్రెసిడెంట్ రేవంత్ రెడ్డి ఎద్దేవా చేశారు. తన ప్రసంగంలో ఎన్నిసార్లు చప్పట్లు కొట్టాలని సీఎం కేసీఆరే అడిగినా స్పందన లేదని ఆయన అన్నారు.

సీఎం ప్రసంగంలో గొర్రెలు, మేకలు, చేపలు, కరెంటు ముచ్చట్లే తప్ప కొత్తగా ఏమీ లేదని రేవంత్ విమర్శించారు. రెండు పడకల గదులు, దళితులకు మూడెకరాలు భూమి, రైతుల ఆత్మహత్యలు, ఇంటికో ఉద్యోగం, కేజీ టు పీజీ విద్య పథకాలపై ఎందుకు నోరు విప్పలేదని రేవంత్ ప్రశ్నించారు. ఓయూ శతాబ్ది వేడుకల్లో కేసీఆర్ ఎందుకు మాట్లాడలేదో చెప్పాలని డిమాండ్ చేశారు.