యాప్నగరం

శ్రీశైలం ప్రాజెక్టుకు వరద.. సాగర్‌లోనూ 582 అడుగుల నీటిమట్టం

శ్రీశైలం ప్రాజెక్టుకు వరద నీరు కొనసాగుతోంది. ఎగువ ప్రాంతాల నుంచి మళ్లీ వరద నీరు వచ్చి చేరుతుండటంతో రిజర్వాయర్‌కు జలకళ సంతరించుకొంది

Samayam Telugu 31 Aug 2018, 12:48 pm
శ్రీశైలం జలశయానికి వరద నీరు కొనసాగుతోంది. రిజర్వాయర్‌కు ఎగువ ప్రాంతాల నుంచి మళ్లీ వరద నీరు వచ్చి చేరుతుండటంతో జలకళ కనిపిస్తోంది. ప్రాజెక్టు పూర్థి స్థాయి నీటిమట్టం 885 అడుగులు అయితే.. ప్రస్తుతం 882.80 అడుగలకు నీటి మట్టం చేరింది. నీటి నిల్వ పూర్తి సామర్థ్యం 215 టీఎంసీలు కాగా.. ప్రస్తుతం 203 టీఎంసీలకు చేరింది. ప్రాజెక్ట్ ఇన్ ఫ్లో 1.23 లక్షల క్యూసెక్కులయితే.. ఔట్ ఫ్లో లక్ష క్యూ సెక్కులు. అలాగే కుడి, ఎడమ గట్టు కేంద్రాల్లో విద్యుత్ ఉత్పత్తి కూడా కొనసాగుతోంది.
Samayam Telugu Srisailam


ఇటు నాగార్జున డ్యామ్ కూడా నిండు కుండలా కనిపిస్తోంది. సాగర్ పూర్తిస్థాయి నీటిమట్టం 590 అడుగులైతే.. ప్రస్తుతం అది 582 అడుగులకు చేరింది. ఇన్ ఫ్లో 73,372 క్యూసెక్కులైతే.. ఔట్ ఫ్లో 29,964 క్యూసెక్కులు. ఇంకా వరద నీరు వచ్చి చేరుతుండటంతో గేట్లు ఎత్తేందుకు అధికారులు సిద్ధమవుతున్నట్లు తెలుస్తోంది. పరిస్థితిని బట్టి ఏ క్షణానైనా గేట్లు ఎత్తే అవకాశం ఉందని.. దిగువ ప్రాంతాల్లో ఉన్న ప్రజల్ని అధికారులు అప్రమత్తం చేశారు.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.