విషాహారం తిని విద్యార్థుల అస్వస్థత

తిరుపతిలోని కాలూరు క్రాస్‌ రోడ్డు వద్ద ఉన్న నారాయణ జూనియర్‌ కాలేజీలో హాస్టల్లో విషాహారం తిని పలువురు విద్యార్థులు అస్వస్థతకు గురయ్యారు. గురువారం రాత్రి హాస్టల్‌లో పులిసిన పెరుగన్నం పెట్టడంతో స్టూడెంట్స్ అస్వస్థతకు గురైనట్లు తెలసింది. పులిసిన పెరుగన్నం తిన్న 30 మంది విద్యార్థులకు తెల్లవారు జామునుంచి వాంతులు, విరేచనాలు, కడుపు నొప్పితో బాధపడ్డారు. హాస్టల్‌ సిబ్బంది విద్యార్థులను సమీపంలోని ప్రైవేటు ఆస్పత్రికి తరలించి చికిత్సలు చేయించారు.

చికిత్స అనంతరం 20 మంది విద్యార్థులు తిరిగి కళాశాలకు వెళ్లగా.. మరో పది మంది ఇంకా చికిత్స పొందుతున్నారు. విషయం తెలుసుకున్న పలువురు విద్యార్థుల తల్లిదండ్రులు హాస్టల్‌ వద్దకు చేరుకున్నారు.