వింతజంతువుకు జన్మనిచ్చిన గొర్రె!

తెలంగాణలోని మెదక్ జిల్లా ర్యాలమడుగు గ్రామంలో ఒక గొర్రె వింత జంతువుకు జన్మనిచ్చింది. ఇప్పుడు ఇది సోషల్ మీడియాలో తెగ సర్క్యులేట్ అవుతోంది. గొర్రె రూపానికి అసలేం సంబంధం లేనట్టుగా పుట్టింది పిల్ల. కాళ్లు గొర్రెవిలాగే ఉన్నా రూపం మాత్రం చింపాంజీని పోలి ఉంది. దీంతో ఇదో వింత జంతువు అని అంతా వ్యాఖ్యానిస్తున్నారు. ఈ వింత జంతువుతో పాటు దీన్ని ప్రసవించిన గొర్రె కూడా చనిపోయినట్టుగా తెలుస్తోంది.

ఈ విడ్డూరాన్ని చూడటానికి చుట్టుపక్కల గ్రామాల నుంచి బోలెడంత మంది తరలివస్తున్నారు. తెలంగాణ ప్రభుత్వం ఇటీవల ఇచ్చిన సబ్సిడీ కింద పంపిణీ చేసిన గొర్రెల్లో ఇదీ ఒకటని తెలుస్తోంది. ఇలాంటి వింత రూపంతో జంతువు పుట్టడానికి శాస్త్రీయ కారణాలు ఏమిటో ఇంకా తెలియరాలేదు.