తెలంగాణాలో భారీ వర్షాలు పడే అవకాశం కనిపిస్తున్నట్టు వాతావరణ శాఖ తెలియజేసింది. శని, ఆది వారాల్లో రాష్ట్రంలోని పలు ప్రాంతాల్లో భారీ వర్షాలు కురవొచ్చు. ఇప్పటికే వారం రోజులుగా రోజులో ఏదో ఒక పూట వర్షాలు పడుతూనే ఉన్నాయి. అంతకుమించి ఈ రెండు రోజుల్లో కురిసే అవకాశం ఉన్నట్టు వాతావరణ అధికారులు తెలిపారు. విదర్భ నుంచి తెలంగాణ మీదుగా తమిళనాడు వరకు ఆవరించి ఉన్న అల్పపీడన ద్రోణి కారణంగానూ, రాష్ట్రంలో నైరుతి రుతుపవనాలు చురుగ్గా కదులుతుండడంతో పాటూ, రాయలసీమపై ఉపరితల ఆవర్తనం ఉండడం వల్ల భారీ వర్ష సూచన కనిపిస్తున్నట్టు తెలిపారు. వర్షాలతో పాటూ ఈదురు గాలులు కూడా వీచ్చ అవకాశం ఉంది. ప్రజలు అప్రమత్తంగా ఉంటే మంచిది.
తెలంగాణాలో భారీ వర్షాలు పడే అవకాశం
తెలంగాణాలో భారీ వర్షాలు పడే అవకాశం కనిపిస్తున్నట్టు వాతావరణ శాఖ తెలియజేసింది.
TNN 30 Jul 2016, 7:56 am