అల్పపీడనం తీవ్రరూపం: అతిభారీ వర్షాలు

అల్పపీడనం తీవ్రరూపం దాల్చడంతో తెలుగురాష్ట్రాల్లో భారీ వర్షాలు పడుతున్నాయి. అల్పపీడనం ప్రభావం నేడు, రేపు తీవ్రంగా ఉంటుందని వాతావరణ కేంద్రం చెప్పింది. అనంతరం మూడు రోజులు పాటూ మోస్తరు వర్షాలు పడే అవకాశం ఉంది. నైరుతి రుతుపవనాలు ఊపందుకోవడం, అల్పపీడనంతో రాష్ట్రవ్యాప్తంగా గురువారం కూడా భారీ వర్షాలు కురిశాయి. చెరువులు, కుంటలు, వాగులు, వంకలు పొంగిపొర్లుతున్నాయి. హైదరాబాద్ లో శుక్రవారం తక్కువ సమయంలో అతి భారీ వర్షం కురిసే అవకాశముందని అధికారులు హెచ్చరిస్తున్నారు. కేవలం రెండు మూడు గంటల వ్యవధిలోనే 7 నుంచి 11 సెంటీమీటర్ల వర్షం పడుతుందని అంచనా వేస్తున్నారు. ఇలా జరిగే నగరం అతలకుతలం అయ్యే అవకాశం ఉంది.