ప్రణయ్‌ విగ్రహం ఏర్పాటు పనులు ఆపండి: హైకోర్ట్

మిర్యాలగూడ‌లో దారుణ హత్యకు గురైన పెరుమాళ్ల ప్రణయ్‌ విగ్రహం ఏర్పాటుకు అవాంతరాలు ఎదురవుతున్నాయి. సాగర్ రోడ్డులో విగ్రహ ఏర్పాటుకు జరుగున్న పనులను నిలిపివేయించాలని కోరుతూ చిన్న వెంకట రమణారావు అనే వ్యక్తి హైకోర్టును ఆశ్రయించాడు. అతను దాఖలు చేసిన రిట్ పిటీషన్‌ను విచారించిన కోర్టు ఈ ఆదేశాలు ఇచ్చింది.

విగ్రహం ఏర్పాటుకు అన్ని శాఖల అధికారుల అనుమతులు తీసుకోవాలని, అప్పటివరకు పనులు చేపట్టరాదని హైకోర్టు న్యాయమూర్తి జస్టిస్‌ ఏవీ.శేషసాయి సూచించారు. కూతురు అమృత వర్షిణి కులాంతర వివాహం చేసుకుందనే కారణంతో ఆమె తండ్రి మారుతీరావు భర్త ప్రణయ్‌ను హత్యచేయించిన సంగతి తెలిసిందే. కులాంతర వివాహాలకు ప్రతీకగా మిర్యాలగూడ కూడలిలో ప్రణయ్ విగ్రహం ఏర్పాటు చేయాలని అమృత కోరిన నేపథ్యంలో పనులు మొదలుపెట్టారు. కోర్టు ఆదేశాల మేరకు ప్రస్తుతం పనులు నిలిపివేశారు.