హైదరాబాద్‌లో హైటెక్ వ్యభిచారం.. బాలీవుడ్ తారలు అరెస్టు

హైదరాబాద్‌లో హైటెక్ వ్యభిచారం ముఠా గుట్టురట్టయింది. లగ్జరీ కార్లలో హోటల్‌కు వస్తూ సెలబ్రిటీ స్టేటస్ మాటున వ్యభిచారం చేస్తున్నారు. బడా వ్యాపారవేత్తలను టార్గెట్ చేసుకుని స్టార్ హోటళ్లలో గుట్టుగా వ్యవహారాన్ని నడుపుతున్నారు. ఈ మేరకు సమాచారం అందుకున్న పశ్చిమ మండలం టాస్క్‌ఫోర్స్ పోలీసులు శనివారం నగరంలోని తాజ్ డెక్కన్, తాజ్ బంజారా హోటళ్లలో దాడులు నిర్వహించారు. ఈ దాడుల్లో ఇద్దరు బాలీవుడ్ నటీమణులు వ్యభిచారం చేస్తూ పోలీసులకు పట్టుబడ్డారు. వీరు శుక్రవారం ముంబయి నుంచి హైదరాబాద్ వచ్చినట్లు పోలీసులు గుర్తించారు.

అరెస్టయిన వారిలో బాలీవుడ్ నటి రీచా సక్సేనా, బెంగాలీ నటి శుభ్రచటర్జీ (బాలీవుడ్ సీరియళ్లలో నటిస్తోంది), నిర్వాహకుడు మోనిక్‌లు ఉన్నారు. వీరిలో ఒక నటి తాజ్ డెక్కన్‌లో, మరో నటి తాజ్ బంజారాలో వ్యభిచారం చేస్తూ పట్టుబడ్డారు. విటుల రూపంలో వెళ్లి వీరిని పట్టుకున్న టాస్క్‌ఫోర్స్ పోలీసులు అనంతరం పంజాగుట్ట పోలీసులకు అప్పగించారు. ఈ సెక్స్ రాకెట్‌కు ప్రధాన సూత్రధారి అయిన జనార్ధన్ అలియాస్ జానీ పరారీలో ఉన్నట్లు పోలీసులు తెలిపారు.