హైదరాబాద్ బషీర్బాగ్లో భారీ అగ్ని ప్రమాదం జరిగింది. బుధవారం ఉదయం ఎల్బీ స్టేడియం సమీపంలో ఉన్న ఖాన్ లతీఫ్ఖాన్ భవనంలోని ఐదో అంతస్తులో మంటలు చెలరేగాయి. ప్రమాదాన్ని గమనించి అక్కడ పనిచేస్తున్న ఉద్యోగులు భయంతో బయటకు పరుగులు తీశారు. ఐదో అంతస్తులో ఉన్న వారంతా సురక్షితంగా బయటకు వచ్చేయగా.. వెంటనే అగ్నిమాపక సిబ్బందికి సమాచారం ఇవ్వడంతో రంగంలోకి దిగారు. ఫైర్ సిబ్బంది నలుగు అగ్నిమాపక యంత్రాలతో మంటల్ని ఆర్పుతున్నారు. బిల్డింగ్లోని ట్యాక్స్ కన్సల్టెంట్ ఆఫీసులో జరిగిన షార్ట్ సర్క్యూట్తోనే ప్రమాదం సంభవించిందని అనుమానిస్తున్నారు. ప్రమాదం వల్ల భారీగా ఆస్తి నష్టం జరిగిందని అంచనా వేస్తున్నారు. ఈ భవనంలో పలు కీలక కార్యాలయాలు ఉన్నాయి. రెండో అంతస్తులో రెండు తెలుగు రాష్ట్రాల ఐడియా ప్రధాన కార్యాలయాలు ఉన్నాయి. చాలా మంది నివాసం కూడా ఉంటున్నారు. మంటల్ని గమనించి అప్రమత్తం కావడంతో పెద్ద ప్రమాదమే తప్పింది. లేకపోతే ప్రాణనష్టం జరిగేదని ప్రత్యక్ష సాక్షులు చెబుతున్నారు.
హైదరాబాద్: బషీర్బాగ్లో భారీ అగ్నిప్రమాదం
ఖాన్ లతీఫ్ఖాన్ భవనంలోని ఐదో అంతస్తులో మంటలు చెలరేగాయి. ప్రమాదాన్ని గమనించి అక్కడ పనిచేస్తున్న ఉద్యోగులు భయంతో బయటకు పరుగులు తీశారు.
Samayam Telugu 23 Jan 2019, 7:22 pm
ప్రధానాంశాలు:
- మంటల్ని అదుపు చేస్తున్న అగ్నిమాపక సిబ్బంది
- ట్యాక్స్ కన్సల్టెంట్ ఆఫీసులో షార్ట్ సర్క్యూట్
- భారీగా ఆస్తి నష్టం జరిగిందంటున్న యజమాని