హైదరాబాద్‌లో ప్రపంచ తెలుగు మహాసభలు

హైదరాబాద్ మరో అపురూప వేడకకు వేదిక కానుంది. తెలంగాణ ఆవిర్భావ దినోత్సం జూన్ రెండు నుంచి పదో తారీఖు దాకా (తొమ్మిది రోజుల పాటు) హైదరాబాద్ లో ప్రపంచ తెలుగు మహాసభలు జరుగనున్నాయి. ఈ మహాసభలకు కొత్తగా ఏర్పాటైన తెలంగాణ సాహిత్య అకాడమీ ఆధ్వర్యంలో జరుగనున్నాయి. ఈ మేరకు సీఎం కేసీఆర్ మంగళవారం తెలంగాణ సాహిత్య అకాడమీ అధ్యక్షుడు నందిని సిధారెడ్డి, ఇతర సాహితీ కారులు, అధికారులతో సీఎం చర్చించారు.

తెలంగాణ భాషా, సంస్కృతి, సంప్రదాయాలు, సాహితీ సౌరభాలు ప్రపంచానికి చాటి చెప్పేలా ప్రపంచ తెలుగు మహాసభలు నిర్వహించాలని కేసీఆర్ చెప్పారు.

తెలంగాణ సాహిత్య అకాడమీతో పాటు త్వరలో సంగీత-నాటక అకాడమీ, లలితా కళా అకాడమీ, జానపద అకాడమీలను కూడా ఏర్పాటు చేయనున్నట్లు కేసీఆర్ వెల్లడించారు.
ఈ సందర్బంగా కేసీఆర్ మాట్లాడుతూ తెలంగాణ సాహితీ ప్రాభవాన్ని ప్రపంచానికి చాటిచెప్పేలా నిర్వహించాలని సూచించారు. ఈ మహాసభలకు ప్రపంచ నలుమూలల నుంచి సాహితీ ప్రియులతో పాటు దేశవిదేశాల్లోని సాహితీ ప్రియులను ఆహ్వానించాలని చెప్పారు. తెలంగాణ కవుల ఆముద్రిత గ్రంథాలను వెలుగులోకి తీసుకురావాల్సిన అవసరం ఉందని అన్నారు.