ఇవాంక కోసం భాగ్యనగరం ముస్తాబు!

అమెరికా అధ్యక్షుడు డొనాల్డ్ ట్రంప్ కూతురు, ఆయన సలహాదారు ఇవాంకా ట్రంప్ ఈ నెల 28న హైదరాబాద్ రానున్న నేపథ్యంలో... నగరంలోని కొన్ని ప్రాంతాలను సుందరంగా ముస్తాబు చేసే పనిలో పడ్డారు జీహెచ్ఎంసీ అధికారులు. రోడ్లకు మరమ్మతులు చేస్తున్నారు, ఫ్లై ఓవర్లకు పెయింట్లు వేస్తున్నారు, పరిసరాలను శుభ్రం చేస్తున్నారు. ప్రత్యేకించి ఇవాంక ప్రయాణం చేసే రోడ్లను అత్యంత శుభ్రంగా ఉంచడానికి జీహెచ్ఎంసీ అధికారులు తాపత్రయపడుతుండటం విశేషం.

నవంబర్ 28నుంచి హైదరాబాద్‌లో గ్లోబల్ ఎంటర్‌ప్రెన్యూనర్‌షిప్ సమిట్ జరగనున్న సంగతి తెలిసిందే. ప్రధానమంత్రి నరేంద్రమోడీ ఈ కార్యక్రమాన్ని ప్రారంభించనున్నారు. ఈ కార్యక్రమంలో ఇవాంక పాల్గొనబోతున్న విషయం కొన్ని నెలల కిందటే ఖరారు అయ్యింది.



నోవోటెల్‌లో ఈ కార్యక్రమానికి వేదికగా నిలవనుంది. దీన్నుంచి దాదాపు రెండు కిలోమీటర్ల దూరం పాటు రోడ్డునంతా ముస్తాబు చేస్తున్నారు అధికారులు. హైటెక్ సిటీ ఫ్లై ఓవర్ అందమైన పెయింటింగులు వేయిస్తున్నారు.