మరో రెండు రోజుల్లో... మంత్రి అఖిల ప్రియ

మరో రెండు రోజుల్లో భూమా అఖిలప్రియ ఎమ్మెల్యే స్థాయి నుంచి మంత్రిగా మారుబోతున్నారు. ఈ మేరకు భూమా వర్గీయులకు చాలా కచ్చితమైన సమాచారం అందిందట. అందుకే ముందుగానే వారు సంబరాలు చేసుకుంటున్నారు. ముఖ్యమంత్రి చంద్రబాబు మూడేళ్ల తరువాత మంత్రివర్గం పునర్వ్యవస్థీకరణకు శ్రీకారం చుట్టారు. ఏప్రిల్ 2న ఎన్నో మార్పులు చేర్పులు ఉంటాయని తెలుస్తోంది. కొంతమంది మంత్రులకు ఉద్వాసన పలికి, కొత్తవారిని తీసుకోబోతున్నారని సమాచారం. ఎప్పుడెప్పుడా అని ఎదురు చూస్తున్న ఆశావహులెంతో మంత్రి వర్గంలో చోటు కోసం తీవ్ర ప్రయత్నాలు కూడా చేస్తున్నారు. అయితే తన తండ్రి వల్ల భూమా అఖిల ప్రియకు మొదట బెర్తు ఖరారైనట్టు తెలుస్తోంది. భూమా నాగిరెడ్డి బతికుంటే అతడినే మంత్రివర్గంలోకి తీసుకోవాలని భావించారట చంద్రబాబు. ఆయన మరణించడంతో అతని కూతురు అఖిలప్రియకు మొదటే మంత్రివర్గంలో స్థానం ఖరారు చేశారుట.

మంత్రిగా అఖిల ప్రియ ఎంపికైతే ఏపీ క్యాబినెట్ లో ఆమెనే అతి పిన్న వయస్కురాలు అవుతుంది. ఆమె విద్యావంతురాలు, నెమ్మదస్తురాలు కావడంతో చంద్రబాబు కూడా ఆమె పట్ల ఆశావహంగా ఉన్నారని సమాచారం. అఖిల ప్రియ ఆస్ట్రేలియాలో ఎంబీఏ పూర్తి చేసి వచ్చారు. తల్లి మరణంతో ఆ స్థానంలో జరిగిన ఉపఎన్నికలో గెలిచారు. అనంతరం వైకాపా నుంచి టీడీపీలో చేరారు.