బాబూ..మీరు మగాడేనా? లేక...: రోజా ఫైర్

వైసీపీ ఎమ్మెల్యే రోజా ఏపీ ముఖ్యమంత్రి చంద్రబాబు నాయుడుపై ఫైర్ అయ్యారు. ‘మీరు మగాడా? లేక ఆడంగా?’ అంటూ పరుష పదజాలాన్ని ప్రయోగించారు.

అమరావతిలో జరుగుతున్న జాతీయ మహిళా పార్లమెంటు సదస్సుల్లో పాల్గొనేందుకు విజయవాడ-గన్నవరం ఎయిర్ పోర్టుకు చేరుకున్న రోజాను అక్కడి పోలీసులు అడ్డుకున్నారు. దీంతో ఆమె ప్రభుత్వంపై ఆగ్రహం వ్యక్తం చేశారు.

‘‘వైసీపీ గౌరవాధ్యక్షురాలు విజయమ్మకు ఆహ్వానం లేదు. సీపీఎం నాయకురాలు బృందాకరత్, నర్మదా బచావో ఆందోళన్ నాయకురాలు మేధా పాట్కర్ లను పిలువలేదు. కేవలం చంద్రబాబు నాయుడు ఆయన టీంకు డబ్బా కొట్టేవాళ్లనే పిలిచారు. సీఎం కేసీఆర్ కూతురు, వెంకయ్యనాయుడు కూతురు, చంద్రబాబు నాయుడు కోడళ్లను పిలుచుకొని తమ సొంత ఫంక్షన్ లా మహిళా పార్లమెంటును జరుపుతున్నారు. ప్రభుత్వం రూ.23కోట్లు ఖర్చు చేసి ఇలాగేనా చేసేది. చంద్రబాబు ప్రభుత్వం మహిళల పట్ల అనుసరిస్తున్న విధానాలు ఎలాంటివో బయటపడ్తాయనే భయంతోనే నన్ను సదస్సుకు హాజరుకాకుండా అడ్డుకున్నారు. వీళ్లు మగాళ్లా? లేక ఆడంగులా?’’ అంటూ రోజా ఫైర్ అయ్యారు.