భలే ఉందే..! ఇవాంక డ్రస్ పై చర్చ!

ఆమె రాక కోసం నిలువెల్ల కన్నులతో వేచి చూసిన వర్గాలన్నీ ఇప్పుడు ఆమె అప్పీరియన్స్ పై చర్చను మొదలుపెట్టాయి. అమెరికా అధ్యక్షుడు డొనాల్డ్ ట్రంప్ తనయ, ఆయన సలహాదారు అయిన ఇవాంకా ట్రంప్ హైదరాబాద్ రానుండటం కొన్నాళ్లుగా పతాక శీర్షికల్లోని అంశంగా నిలుస్తున్న సంగతి తెలిసిందే. ఇవాంక హైదరాబాద్ పర్యటన ఆద్యంత ఆసక్తిని రేపింది. మరి ఆ ఘడియలు రానే వచ్చాయి. ఇప్పుడు ఇవాంక ఎలా వచ్చింది, ఏం చేసింది, ఏం తింటోంది, ఏం ధరించింది.. అనే అంశాలు వార్తల్లో నిలుస్తున్నాయి.

ఇవాంక కేవలం ఒక రకంగా కాదు అనేక రకాలుగా సెలబ్రిటీగా నిలుస్తోంది ప్రపంచం పాలిట. అలాంటి వాటిల్లో ఆమె డ్రస్సింగ్ సెన్స్ కూడా ముఖ్యమైనది. ఈ నేపథ్యంలో ఇండియాలో ఆమె డ్రస్సింగ్ గురించి కూడా ఇప్పుడు చర్చ జరుగుతోంది. ప్రత్యేకించి తెల్లవారుజామున ఇవాంక విమానం నుంచి దిగినప్పుడు ధరించిన డ్రస్ గురించి అనేక వ్యాఖ్యానాలు వినిపిస్తున్నాయి.



ఆమె డ్రస్ మరీ ప్రత్యేకమైనది ఏమీ కాకపోయినా.. మనోళ్ల లెక్కలో ఫుల్ మార్క్స్ పడిపోయాయి. బ్లాక్ జాకెట్ ధరించి విమానం దిగారు ఇవాంక. తనకు స్వాగతం పలకడానికి వచ్చిన ముఖ్యమైన అధికారులతో తనదైన శైలిలో కరచాలనం చేశారామె. అందుకు సంబంధించిన ఫొటోలను చూసిన చాలా మంది కళ్లు ఆమె డ్రస్ పై పడ్డాయి. ధరించిన బ్లాక్ జాకెట్ గురించి కితాబులు ఇవ్వడం మొదలుపెట్టారు.

బ్లాక్ జాకెట్ మీద వైట్ పియరల్ ఎస్టాబ్లిష్ మెంట్స్ చాలా బాగున్నాయి అనేది ఇప్పుడు సోషల్ మీడియా నుంచి వినిపిస్తున్న మాట. సింపుల్ గా అదే సమయంలో క్లాసీగా ఉంది.. ఇవాంక వస్త్రధారణ అని అనేక మంది వ్యాఖ్యానిస్తున్నారు.