జల్లికట్టుకు, స్పెషల్ స్టేటస్‌కి లింకేంటి: చంద్రబాబు

గురువారం రాత్రి వైజాగ్‌లో మీడియాతో మాట్లాడిన ఏపీ సీఎం చంద్రబాబు నాయుడు జల్లికట్టుపై స్పందిస్తూ... "జల్లికట్టుకు స్పెషల్ స్టేటకు సంబంధం లేదని అన్నారు. జల్లికట్టు వారసత్వంగా వస్తున్న ఓ సంప్రదాయం. అటువంటి పురాతన సంప్రదాయాలు నా చిన్నప్పుడు మా ఊరిలో చూసిన అనుభవం నాకు కూడా ఉంది" అని అభిప్రాయపడ్డారు బాబు.

జల్లికట్టు, కోడి పందాలు లాంటివి సంస్కృతికి సంబంధించినవి. అవి సంప్రదాయాలు. జల్లికట్టుపై రాష్ట్ర ప్రభుత్వం ఓ ఆర్డినెన్స్ జారీ చేసింది. దానికి రాష్ట్రపతి ఆమోదం తెలిపారు. దానికి ప్రత్యేక హోదాకు ముడిపెడితే ఎలా" అని ప్రశ్నించారు. జల్లికట్టు స్పూర్తితోనే ఈ నిరసన మొదలైంది కదా అని మీడియా అడిగిన ప్రశ్నకు సమాధానం చెబుతూ బాబు ఈ వ్యాఖ్యలు చేశారు.