ABN Radha Krishna కొత్త పలుకుపై పవన్ సెటైర్లు

ట్విట్టర్ వేదికగా మీడియా అధినేతలపై విమర్శలు గుప్పిస్తోన్న పవన్ కల్యాణ్ మరోసారి ట్వీట్లు గుప్పించారు. కొత్త పలుకు పేరిట ఆంధ్రజ్యోతిలో ఆదివారం తనపై రాధాకృష్ణ రాసిన వ్యాసానికి కౌంటర్‌ ఇచ్చారు. పవన్ కల్యాణ్ తల్లిని దూషిస్తూ శ్రీరెడ్డి వాడిన పదం చాలా మంది వాడేదనని, అది పవన్‌ను ఉద్దేశించి చేసిన వ్యాఖ్యే కానీ.. అతడి తల్లిని శ్రీరెడ్డి తిట్టలేదని ఆర్కే కొత్త పలుకులో రాసుకొచ్చారు. దీనికి కౌంటర్‌గా పవన్ ఆయన్ను బూతురత్నగా అభివర్ణించారు.

ఒక సినిమాలో విలన్లు ఎలాంటి తప్పు చేసినా.. ఇదేంటని ఎవరని ప్రశ్నిస్తే? పక్కనే ఉన్న కమెడియన్ పాత్ర ‘బొంబాయిలో అంతే బొంబాయిలో అంతే’ అని అంటుంటాడు. అలాగే ఈ బూతురత్నం అంటాడని పవన్ సెటైర్లు వేశాడు.

పవన్ కల్యాణ్ తల్లిని దూషించే తిట్టు పల్లెటూళ్లలో సాధారణమంట. ఈ లాజిక్‌ను బట్టి ప్రజలందరూ అలా పిలిచినా తప్పుగా అనుకోడు. అతడు స్వయంగా ఒప్పుకున్న లాజిక్ ప్రకారం, లైసెన్స్ ప్రకారం ప్రజలుగా మీరు అతణ్ని స్వేచ్ఛగా బూతురత్నని అలా పిలుచుకోవచ్చు.

టీడీపీ అండగా ఉన్న మీడియా ఛానెళ్ల అధిపతులు, షేర్ హోల్డర్లు, బోర్డు మెంబర్లకు లీగల్ నోటీసులు పంపిస్తామని పవన్ కల్యాణ్ ట్వీట్ చేశారు. స్పందించడానికి వారికి తగిన సమయం ఇస్తామని చెప్పారు.