జనసేనకు విజయ్‌బాబు రాజీనామా

జనసేనకు కీలక నేత గుడ్ బై చెప్పారు. పార్టీ అధికార ప్రతినిధిగా వ్యవహరిస్తున్న విజయ్‌బాబు రాజీనామా చేశారు. ఈ మేరకు ఆదివారం తన నిర్ణయాన్ని ప్రకటించారు. వ్యక్తిగత కారణాల వల్లే పార్టీకి రాజీనామా చేసినట్లు ఆయన ప్రకటించారు. అయితే ఉన్నట్టుండి పార్టీలో కీలకంగా వ్యవహరిస్తున్న నేత ఇలాంటి నిర్ణయం తీసుకోవడం జనసేనలో చర్చనీయాంశంగా మారింది.

విజయ్ బాబు ఆంధ్ర ప్రదేశ్ ఉమ్మడి రాష్ట్రంలో సమాచార హక్కు చట్టం (ఆర్టీఐ) కమిషనర్‌గా బాధ్యతలు నిర్వహించారు. గతేడాది పవన్ కళ్యాణ్ సమక్షంలో జనసేన పార్టీలో చేరారు. అప్పటి నుంచి పార్టీలో కీలకంగా వ్యవహరిస్తుండటంతో.. జనసేనానికి కూడా అధికార ప్రతినిధిగా బాధ్యతలు అప్పగించారు. పార్టీలో చురుకుగా పనిచేస్తున్న విజయ్ బాబు.. పార్టీ బలోపేతంపై ఫోకస్ పెట్టారు. ఇప్పుడు ఉన్నట్టుండి వ్యక్తిగత కారణాలతో రాజీనామా చేయడం జనసేనకు షాక్ ఇచ్చింది.