బాబుపై కత్తి కామెంట్.. దళిత వ్యతిరేకి డౌన్ డౌన్!

గత కొంతకాలంగా జనసేన అధినేత, పవర్ స్టార్ పవన్ కల్యాణ్‌పై తీవ్ర విమర్శలు గుప్పిస్తూ వార్తల్లో నిలిచిన కత్తి మహేష్ వివాదం ఎట్టకేలకు ముగిసింది. ఈ వివాదం ఓ వైపు కొనసాగుతుండగానే తెలంగాణ సీఎం కేసీఆర్‌పై విమర్శలు సంధించారు. అయితే ఈ వివాదానికి తొందర్లోనే తెరదించారు. తాజాగా ఆయన ఏపీ ముఖ్యమంత్రిపై ట్విట్టర్ ద్వారా విమర్శలు గుప్పించారు. ఓ గ్రామంలోని దళితుల బహిష్కరణ విషయంలో చంద్రబాబుపై ఆగ్రహం వ్యక్తం చేశారు. చంద్రబాబు దళిత వ్యతిరేక వైఖరిని ఖండిస్తూ ట్వీట్ చేశారు. ‘గొట్టెంపాడు గ్రామంలో దళితుల గ్రామ బహిష్కరణను తీవ్రంగా ఖండిస్తున్నాను. చంద్రబాబు ప్రభుత్వం దళిత వ్యతిరేక వైఖరి డౌన్ డౌన్’ అంటూ ట్వీట్ చేశారు.

ప్రత్యేక హోదా విషయంలోనూ కత్తి ట్విట్టర్ ద్వారా స్పందించారు. ప్రత్యేక హోదా మాత్రమే కాదు... అన్ని విభజన హామీల గురించి పోరాడాల్సిన సమయం వచ్చింది. ఇలాగే ఆలస్యం చేస్తే, వాటికి చట్టబద్దత నశించే ప్రమాదం ఉందని మహేశ్ కత్తి ట్వీట్ చేశారు.

గొట్టిపాడు గ్రామంలో దళితుల గ్రామబహిష్కరణను తీవ్రంగా ఖండిస్తున్నాను. చంద్రబాబు ప్రభుత్వ దళిత వ్యతిరేక వైఖరి డౌన్ డౌన్! — Kathi Mahesh (@kathimahesh) January 22, 2018