కోల్‌కతాలో చేపట్టే ర్యాలీకి 20 పార్టీల ప్రతినిధులు హాజరవుతున్నారని ఏపీ సీఎం చంద్రబాబునాయుడు తెలిపారు. వెస్ట్ బెంగాల్ సీఎం మమతా బెనర్జీ ఆధ్వర్యంలో ఈరోజు చేపట్టనున్న ‘యునైటెడ్ ఇండియా బ్రిగేడ్’ ర్యాలీలో పాల్గొనేందుకు చంద్రబాబునాయుడు నిన్ననే కోల్‌కతా చేరుకున్నారు. ‘ఎన్నికల మిషన్ 2019’లో భాగంగా కోల్‌కతా నుంచే ఆయన పార్టీ నేతలతో టెలీ కాన్ఫరెన్స్ నిర్వహించారు. ఈ సందర్భంగా మాట్లాడుతూ.. కేసీఆర్, జగన్ తప్ప అందరూ కోల్‌కతా వచ్చారని తెలిపారు. కోల్‌కతా వచ్చినవారంతా మోదీ వ్యతిరేకులేనని పేర్కొన్నారు. కేసీఆర్, జగన్.. మోదీ వెంటే ఉన్నారన్నది దీన్ని బట్టే స్పష్టమవుతోందని చంద్రబాబు అన్నారు.
కర్ణాటకలో ప్రభుత్వాన్ని కూలదోసేందుకు బీజేపీ కుట్రలు చేస్తోందని చంద్రబాబు మండిపడ్డారు. అధికారం కోసం ఎమ్మెల్యేల కొనుగోలుకు తెరదీస్తూ ప్రజాస్వామ్యాన్ని అపహాస్యం చేస్తోందన్నారు. దేశంలోని ప్రముఖ ఆలయాల్లోనూ బీజేపీ అశాంతిని సృష్టిస్తోందని ఆరోపించారు. శబరిమలలో ఉద్రిక్తతలు రెచ్చగొడుతోందని, లోక్‌సభ ఎన్నికల వేళ రామాలయం అంశాన్ని మళ్లీ తెరపైకి తెచ్చిందని ఆరోపించారు.
కర్ణాటకలో ప్రభుత్వాన్ని కూలదోసేందుకు బీజేపీ కుట్రలు చేస్తోందని చంద్రబాబు మండిపడ్డారు. అధికారం కోసం ఎమ్మెల్యేల కొనుగోలుకు తెరదీస్తూ ప్రజాస్వామ్యాన్ని అపహాస్యం చేస్తోందన్నారు. దేశంలోని ప్రముఖ ఆలయాల్లోనూ బీజేపీ అశాంతిని సృష్టిస్తోందని ఆరోపించారు. శబరిమలలో ఉద్రిక్తతలు రెచ్చగొడుతోందని, లోక్‌సభ ఎన్నికల వేళ రామాలయం అంశాన్ని మళ్లీ తెరపైకి తెచ్చిందని ఆరోపించారు.