ఏపీ కేబినేట్‌లోకి నారా లోకేష్

ఆంధ్రప్రదేశ్ ముఖ్యమంత్రి నారా చంద్రబాబు నాయుడి తనయుడు, టీడీపీ జాతీయ ప్రధాన కార్యదర్శి నారాలోకేష్ త్వరలో మంత్రిగా బాధ్యతలు చేపట్టనున్నారు. ఏపీ రాజధాని వెలగపూడిలో తెలంగాణ టీడీపీ నేతలతో సీఎం గురువారం సమావేశమయ్యారు. ఈ సందర్భంగా జరిగిన చర్చలో బాబు లోకేష్ ను కేబినేట్ లోకి తీసుకుంటున్నట్లు తెలంగాణ నేతలకు చెప్పారు. 2019 ఎన్నికల్లోపు తెలంగాణలో టీడీపీ బలోపేతం చేయాలని ఆయన నేతలకు సూచించారు.

కాగా, ఈ నెలాఖరులోగానీ, వచ్చే నెలలోగానీ ఎమ్మెల్సీగా నారాలోకేష్ కు అవకాశం కల్పించి..అనంతరం రాష్ట్రమంత్రివర్గంలోకి తీసుకురావాలని బాబు భావిస్తున్నారు. యువతను ఎంకరేజ్ చేసేందుకు, ప్రభుత్వం పథకాలు ప్రజల్లోకి మరింత వేగవంతంగా తీసుకెళ్లేందుకు లోకేష్ కేబినేట్ లో ఉంటే మంచిదని పలువురు సీనియర్ నేతలు, మంత్రులు కూడా బాబు ఇది వరకు సూచించారు.