గన్‌మెన్ మరణంతో కన్నీళ్లు పెట్టుకున్న టీఆర్ఎస్ ఎమ్మెల్యే

గన్‌మెన్‌ హఠాన్మరణంతో చలించిపోయారు మహబూబాబాద్ టీఆర్ఎస్ ఎమ్మెల్యే శంకర్ నాయక్. గన్‌మెన్ తనకు అత్యంత సన్నిహితంగా ఉండే వ్యక్తి కావడంతో.. మరణాన్ని తట్టుకోలేక కన్నీరు పెట్టుకున్నారు. సొంత కుటుంబ సభ్యుడ్ని కోల్పోయానంటూ బోరున విలపించారు. స్వయంగా పాడె మోసి.. గన్‌మెన్‌పై ఉన్న అభిమానాన్ని చాటుకున్నారు.

మహబూబాబాద్ టీఆర్ఎస్ ఎమ్మెల్యే శంకర్ నాయక్ దగ్గర శ్రీనివాస్ గన్‌మెన్‌గా పనిచేస్తున్నారు. గత ఐదేళ్లుగా ఎమ్మెల్యే దగ్గరపనిచేస్తుండటంతో.. శంకర్ నాయక్ శ్రీనివాస్‌ను తన కుటుంబ సభ్యుడిలా భావించేవారని స్థానికులు చెబుతున్నారు. అందుకే అతడి మరణాన్ని తట్టుకోలేక కన్నీళ్లు పెట్టుకున్నారట.. శ్రీనివాస్‌తో ఉన్న అనుబంధాన్ని గుర్తు చేసుకున్నారట.

శ్రీనివాస్ హఠాత్తుగా కన్నుమూయడంతో.. మరణవార్త తెలుసుకున్న శంకర్ నాయక్ బోరున విలపించారు. తర్వాత కాస్త తేరుకుని.. శ్రీనివాస్ అంత్యక్రియల్లో పాల్గొన్నారు. అన్నీ తానై అంత్యక్రియలు నిర్వహించి పాడెను మోశారు. ఎమ్మెల్యే శంకర్ నాయక్ బోరున ఏడవడాన్ని చూసి స్థానికులు కూడా కంటతడి పెట్టుకున్నారు.