వివాహితతో సంబంధం.. ఆమె భర్తకు తెలియడంతో!

వివాహితతో కొంత కాలంగా శారీరక సంబంధం నెరపుతున్నాడు ఓ వ్యక్తి. ఆ విషయం కాస్తా మహిళ భర్తకు తెలియడంతో అతణ్ని తీవ్రంగా మందలించాడు. దీంతో మనస్తాపానికి గురైన ఆ వ్యక్తి ఉరేసుకొని ఆత్మహత్య చేసుకున్నాడు. మేడ్చల్ జిల్లా జవహర్ నగర్ పోలీస్ స్టేషన్ పరిధిలోని యప్రాల్‌లో ఈ ఘటన చోటుచేసుకుంది. శైలి గార్డెన్స్ జూపల్లి హోమ్స్‌లో వాచ్‌మెన్ కుటుంబం నివాసం ఉంటోంది. వాచ్‌మెన్ కళ్లుగప్పి అతడి భార్య సుజాతతో రమేశ్ (36) అనే యువకుడు కొంతకాలంగా వివాహేతర సంబంధం నెరపుతున్నాడు.

విషయం కాస్త సుజాత భర్త చెవినపడింది. దీంతో అతడు రమేశ్‌ను మందలించాడు. విషయం బయటకి పొక్కడంతో మనస్తాపానికి గురైన రమేశ్ బుధవారం (ఆగస్టు 22) ఉదయం ఉరి వేసుకుని ఆత్మహత్య చేసుకున్నాడు. రమేశ్ ఉరి వేసుకొని మరణించిన విషయం గమనించిన స్థానికులు జవహర్ నగర్ పోలీసులకు సమాచారం ఇచ్చారు.

ఘటన స్థలానికి చేరుకున్న పోలీసులు కేసు నమోదు చేసుకొని విచారణ చేపట్టారు. రమేశ్ మృతదేహాన్ని పోస్టుమార్టం నిమిత్తం గాంధీ ఆస్పత్రికి తరలించారు.