ఈ యేడాది చివరి కల్లా మిడ్ మానేరు నీళ్లు

ఈ యేడాది చివరికల్లా మిడ్‌మానేరులోకి నీళ్లు వస్తాయని భారీనీటి పారుదలశాఖమంత్రి హరీశ్‌రావు తెలిపారు. ప్రాజెక్టు కట్టగానే మొదటి ఏడాదే పూర్తిగా నీళ్లు వచ్చేలా చర్యలు చేపట్టామని ఆయన చెప్పారు. మిడ్‌మానేరులో ఈ సంవత్సరంలో 10 టీఎంసీల నీళ్లు నింపుతామని తెలిపిన హరీశ్‌రావు.. పవర్‌పాయింట్ ప్రజెంటేషన్ ద్వారా ప్రాజెక్టు వివరాలను రైతులకు వివరించారు. హరీష్ రావు వెంట మంత్రి పోచారం శ్రీనివార్ రెడ్డి ఉన్నారు.

శ్రీరాం సాగర్ నుంచి వరద కాలువ ద్వారా మధ్య మానేరుకు నీళ్లు వస్తాయని..ఆ నీటితో కోటి ఎకరాల సాగు సాధ్యమవుతుందని పేర్కొన్నారు. కాళేశ్వరం ప్రాజెక్టు పూర్తయితే కరువు ఉండబోదని చెప్పారు. తెలంగాణను సస్యశ్యామలం చేయడమే తమ ప్రభుత్వ ధ్యేయమని హరీష్ పునరుద్ఘాటించారు.