మంత్రి చందూలాల్ బూతుపురాణం విన్నారా?

తెలంగాణ రాష్ట్ర గిరిజన సంక్షేమ, పర్యాటకశాఖమంత్రి అజ్మీరా చందూలాల్ బూతుపురాణం బయటపడింది. సహనం కోల్పోయి, మంత్రినన్నా విచక్షణ మరిచి ఓ నేతను ఇష్టానుసారంగా తిట్టిపోశారు. పదవిలో ఉన్నానన్న గర్వంతో బూతులు తిడుతూ ఎదురు తిరిగితే చంపేస్తానని వార్నింగ్ ఇచ్చారు.

చందూలాల్ ములుగు జిల్లా సాధన కమిటీ అధ్యక్షుడు మంజూల భిక్షపతిని ఫోన్లో బెదిరించారు. ‘నీవెంత నీ బతుకెంత? నేను తలుచుకుంటే నీ పెగులు బయటపడతాయ్..లం....కొడకా..’ అంటూ రాయలేని భాషలో తిట్టారు. ‘తలుచుకుంటే ములుగులో ఉండలేవు’ అంటూ వార్నింగ్ ఇవ్వడం సంచలనం రేపింది.

ఈ నెల 26న సాయంత్రం భిక్షపతి ఫోన్ చేసినప్పుడు మంత్రి చందూలాల్ పైవిధంగా నానా దుర్భాషలాడుతూ వార్నింగ్ ఇచ్చినట్లు ఆడియో బయటపడింది. చందూలాల్ బూతుపురాణం మీడియా, సోషల్ మీడియాలో వైరల్ గా మారింది.
చందలాల్ వార్నింగ్ ఆడియో.. ఇది..


సమ్మక్క-సారలమ్మ జాతరకు సీఎం కేసీఆర్ ను ఆహ్వానించి, ములుగు జిల్లా ఏర్పాటు కోసం మంత్రి మద్దతు కోసం ఫోన్ చేస్తే చంపేస్తానని, బూతులు తిట్టాడని భిక్షపతి చెప్పారు. ఆయన్నుంచి తనకు ప్రాణహాని ఉందని భిక్షపతి ఆందోళన వ్యక్తం చేశారు.