మంత్రి దేవినేనికి తప్పిన ప్రమాదం..
ఆంధ్రప్రదేశ్‌ భారీ నీటి పారుదల శాఖ మంత్రి దేవినేని ఉమామహేశ్వర రావు తృటిలో ప్రమాదం నుంచి బయటపడ్డారు. మంగళవారం (డిసెంబర్ 26) మధ్యాహ్నం ఆయన అనంతపురానికి వెళుతూ.. కోన వద్ద హంద్రీనీవా కాలువను చూడాలనుకున్నప్పుడు కారు ప్రమాదం జరిగింది.
TNN 26 Dec 2017, 6:20 pm
ఆంధ్రప్రదేశ్‌ భారీ నీటి పారుదల శాఖ మంత్రి దేవినేని ఉమా మహేశ్వరరావు తృటిలో ప్రమాదం నుంచి బయటపడ్డారు. మంగళవారం (డిసెంబర్ 26) మధ్యాహ్నం ఆయన అనంతపురానికి వెళుతూ.. కోన వద్ద హంద్రీనీవా కాలువను చూడాలనుకున్నారు. దీంతో కారు ఆపాల్సిందిగా త‌న డ్రైవర్‌కు సూచించారు. డ్రైవర్ ఒక్కసారిగా కారు నిలపడంతో కాన్వాయ్‌లోని మరో కారు వెనుక నుంచి వచ్చి ఢీకొట్టింది. ఈ ప్రమాదం నుంచి మంత్రి దేవినేనితో పాటు మరికొందరు సురక్షితంగా బయటపడ్డారు. దేవినేని బెంగళూరు నుంచి అనంతపురానికి వస్తుండగా ఈ ప్రమాదం చోటు చేసుకుంది.