జెండా ‘వందనం’.. మరో వివాదంలో నారా లోకేశ్‌!

ఏపీ ఐటీ, పంచాయతీరాజ్ శాఖా మంత్రి నారా లోకేష్ మరో వివాదంలో చిక్కుకున్నారు. ఓ ప్రభుత్వ కార్యక్రమంలో జాతీయ జెండాను అగౌరవపరిచే విధంగా ప్రవర్తించారు. ముఖ్యమంత్రి చంద్రబాబునాయుడు ఇవాళ (జూన్ 22) తిరుపతి అంతర్జాతీయ విమానాశ్రయం ఆవరణలో ఏర్పాటు చేసిన వంద అడుగుల ఎత్తైన భారీ జాతీయ జెండాను ఆవిష్కరించారు. ఈ సందర్భంగా.. జాతీయ గీతం ప్లే అవుతున్న సమయంలో.. అందరూ జెండాకు గౌరవ వందనం చేస్తుండగా.. నారా లోకేష్ తనకు ఏమాత్రం పట్టనట్లు అలాగే నిలబడిపోయారు.

సీఎంతో పాటు కార్యక్రమంలో పాల్గొన్న వారందరూ త్రివర్ణ పతాకానికి 3 నిమిషాల పాటు గౌరవ వందనం సమర్పించగా.. ఈ యువ మంత్రి మాత్రం నిశబ్దంగా ఉండిపోయారు. ఈ కార్యక్రమం జరుగుతున్న సమయంలో లోకేశ్.. చంద్రబాబు నాయుడి వెనకాలే ఉండటం గమనార్హం. మంత్రి పదవిలో ఉన్న లోకేశ్ జాతీయ జెండాను అగౌరవ పరిచే రీతిలో వ్యహరించడం ఇప్పుడు చర్చనీయాంశమైంది.