ఎంఎంటీఎస్ రైల్లో అగ్ని ప్రమాదం..

లింగంపల్లి రైల్వే స్టేషన్‌లో ఎంఎంటీఎస్ రైలులో అగ్ని ప్రమాదం చోటు చేసుకుంది. రైలు ప్లాట్‌ఫామ్ పైకి వస్తున్న సమయంలో ఇంజన్‌లో ఒక్కసారిగా మంటలు చెలరేగాయి. ఆ సమయంలో రైలులో ప్రయాణికులు లేకపోవడంతో ప్రమాదం తప్పింది. విద్యుత్ సరఫరాలో షార్ట్ సర్క్యూట్ కారణంగా ఈ ప్రమాదం జరిగినట్లు అధికారులు తెలిపారు. ఈ ప్రమాదం కారణంగా పలు ఎంఎంటీఎస్ రైళ్లు నిలిచిపోయాయి. మంగళవారం (అక్టోబర్ 3) ఉదయం రైలును ప్లాట్‌ఫాం పైకి తీసుకొస్తుండగా ఈ ఘటన చోటు చేసుకుంది. అధికారులు వెంటనే అప్రమత్తమై మంటలను అదుపులోకి తెచ్చారు.

సోమవారం సాయంత్రం నగరంలో కురిసిన భారీ వర్షం కారణంగా ఇప్పటికే పలు ఎంఎంటీఎస్ రైలు సేవలను నిలిపేసిన సంగతి తెలిసిందే. ఈ అగ్నిప్రమాదంతో మరిన్ని రైళ్లు నిలిచిపోవడంతో ప్రయాణికులు తీవ్ర ఇక్కట్లు పడుతున్నారు.