ఎమ్మెల్యే కూతురితో ఎంపీ రామ్మోహన్ నిశ్చితార్థం

టీడీపీలో చాలా ఏళ్లుగా ఉన్న రెండు కుటుంబాలు బంధుత్వంతో ఒక్కటవుతున్నాయి. టీడీపీ ఎంపీ రామ్మోహన్ నాయుడు టీడీపీ ఎమ్మెల్యే బండారు సత్యానారాయణ కూతురు శ్రావ్యను వివాహమాడనున్నారు. ఈ మేరకు విశాఖపట్నంలోని నోవాటెల్‌ హోటల్ లో ఘనంగా నిశ్చితార్థం జరిగింది. ఈ వేడుకలకు టీడీపీ నాయకులెంతో మంది హాజరయ్యారు. శ్రావ్య ఇంజినీరంగ్ పూర్తి చేసింది. భరతనాట్యంలో మంచి ప్రావీణ్యముంది. అయితే రామ్మోహన్ శ్రావ్యను తొలిచూపులోన ఇష్టపడినట్టు తెలుస్తోంది. శ్రావ్య అన్నయ్య, రామ్మోహన్ స్నేహితులు. త్వరలో వీరి పెళ్లి జరగనుంది.

శ్రీకాకుళంలో బలమైన నేతగా ఎదిగిన కింజరాపు ఎర్రన్నాయుడు తనయుడే రామ్మోహన్ నాయుడు. తండ్రి అనుకోకుండా రోడ్డు ప్రమాదం బారిన పడడంతో అనూహ్యంగా రామ్మోహన్ రాజకీయాల్లోకి వచ్చారు. శ్రీకాకుళం లోక్ సభ స్థానం నుంచి గెలిచి ప్రాతినిథ్యం వహిస్తున్నారు.