ఎమ్మెల్సీ పదవిపై స్పందించిన లోకేష్

తాను త్వరలో ఎమ్మెల్సీ పదవి చేపడ్తానంటూ వస్తున్న వార్తల్లో నిజం లేదని టీడీపీ ప్రధాన కార్యదర్శి నారా లోకేష్ అన్నారు. అవన్నీ ఒట్టి ఊహాగానాలేనని ఆయన స్పష్టం చేశారు. తాను ఎమ్మెల్సీ పదవి చేపడుతున్నట్లు వస్తున్న వార్తలను కొట్టిపారేసిన లోకేష్..తనకు పార్టీ ఏ బాధ్యత అప్పగించిన చిత్తశుద్ధితో నిర్వహిస్తానని తెలిపారు.

ఎన్టీఆర్ వర్ధంతి సందర్భంగా విజయవాడలో ఏర్పాటు చేసిన ఆర్ట్ గ్యాలరీని లోకేష్ ప్రారంభించారు. ఎన్టీఆర్ చిత్రపటానికి పూలమాల వేసి నివాళులు అర్పించారు.

ఎన్టీఆర్ వర్ధంతి సందర్భంగా తెలంగాణ, ఆంధ్రప్రదేశ్ రాష్ట్రాలలో 20వేల మంది అభిమానులు, టీడీపీ కార్యకర్తలు రక్తదానం చేస్తున్నారని చెప్పిన లోకేష్..తమిళనాడు వంటి ఇతర రాష్ట్రాల్లోనూ సేవ కార్యక్రమాలు కొనసాగుతున్నట్లు పేర్కొన్నారు.