సీఎం కేసీఆర్‌ని కలిసిన నాగ్

ప్రముఖ సినీ నటుడు అక్కినేని నాగార్జున ఈరోజు తెలంగాణ సీఎం కేసీఆర్‌ను కలిశారు. నాగార్జునతోపాటే ఆయన సోదరుడు అక్కినేని వెంకట్ కూడా సీఎంని కలిశారు. ఈమధ్యే ఢిల్లీ వెళ్లి కంటికి శస్త్రచికిత్స చేయించుకున్న కేసీఆర్‌ను మర్యాదపూర్వకంగా పరామర్శించేందుకే నాగార్జున ప్రగతి భవన్ కి వెళ్లినట్టు తెలుస్తోంది. సీఎం కేసీఆర్ ఢిల్లీ నుంచి తిరిగొచ్చిన తర్వాత ఈరోజు ఆయనని కలుసుకున్న వారిలో శాసనమండలి చైర్మన్ స్వామిగౌడ్ సహా పలువురు ప్రజాప్రతినిధులు నాయకులు వున్నారు.

ఇదిలావుంటే, నాగార్జునతో భేటీ అనంతరం నీటి పారుదల శాఖ ఉన్నతాధికారులతో భేటీ అయిన సీఎం కేసీఆర్ మిషన్ భగీరథ పథకం అమలు తీరుపై సమీక్షా సమావేశం నిర్వహించారు. రిజర్వాయర్లు, ప్రాజెక్టులలో నీటి నిల్వలు మెయింటెన్ చేస్తూ నదీ జలాల్లో తాగు నీటి అవసరాలకి తగిన ప్రాధాన్యత ఇవ్వాలని సీఎం కేసీఆర్ అధికారులకి సూచించారు.