యాప్నగరం

అలాంటి వారికి ఈ ఫలితమే సమాధానం: అఖిలప్రియ

నంద్యాల ఉప ఎన్నికలో తేదేపా అభ్యర్థి విజయం దాదాపు ఖరారు కావడంతో ఫలితంపై మంత్రి భూమా అఖిలప్రియ స్పందించారు.

TNN 28 Aug 2017, 12:44 pm
నంద్యాల ఉప ఎన్నికల్లో తమకు డిపాజిట్ కూడా రాదని నాడు ప్రచారం చేసిన నేతలకు ఈ ఫలితం చెంపపెట్టులాంటిదని ఏపీ మంత్రి భూమా అఖిలప్రియ అన్నారు. ఎన్నిక ఫలితాల సరళిపై మీడియాతో మాట్లాడుతూ, తమపై అభిమానంతో ఓట్లు వేసిన గెలిపించిన ప్రజల నమ్మకాన్ని వమ్ము చేయమని, నంద్యాలను అభివృద్ధికి కట్టుబడి ఉన్నామని అన్నారు. రాయలసీమ అభివృద్ధికి కృషి చేసిన తన తండ్రి ఆశయాలను నెరవేరుస్తానని ఈ సందర్భంగా మంత్రి అఖిలప్రియ తెలిపారు. భూమా కుటుంబం, టీడీపీ ప్రభుత్వంపై ఉన్న నమ్మకంతోనే నంద్యాల ప్రజలు తమ పార్టీకి పట్టం కట్టారని వ్యాఖ్యానించారు.
Samayam Telugu nandyal by election result minister akhila priya comments about victory
అలాంటి వారికి ఈ ఫలితమే సమాధానం: అఖిలప్రియ


మరోవైపు పదమూడు రౌండ్లు పూర్తయ్యేసరికి తెలుగుదేశం అభ్యర్థి భూమా బ్రహ్మానందరెడ్డి సమీప ప్రత్యర్థి వైసీపీ నేత శిల్పా మోహన్‌రెడ్డిపై 23,301 ఓట్ల ఆధిక్యంలో కొనసాగుతున్నారు. లెక్కింపు పూర్తికాకముందే వైసీపీ అభ్యర్థి ఓటమిని అంగీకరించారు. తన ఓటమికి అనారోగ్యం ప్రధాన కారణం అన్న శిల్పా... టీడీపీ ఓటర్లను ప్రలోభపెట్టిందని వ్యాఖ్యానించారు. ఉప ఎన్నికలో తమ అభ్యర్థి విజయం దాదాపు ఖాయం కావడంతో తేదేపా శ్రేణులు సంబరాలు జరుపుకుంటున్నాయి. పద్నాలుగో రౌండ్‌లోనూ టీడీపీ ఆధిక్యం కనబరిచింది. వైసీపీ అభ్యర్థిపై సుమారు 1400 ఓట్ల ఆధిక్యం లభించింది.

నంద్యాల ఉపఎన్నికల్లో ఇప్పటికే ఇరవై వేలకుగా పైగా మెజార్టీ సాధించిన టీడీపీ అభ్యర్థి భూమా బ్రహ్మానందరెడ్డికి మరింత మెజార్టీ సాధించడం ఖాయమని ఏపీ మంత్రి నారాయణ అన్నారు. ఆయన మీడియాతో మాట్లాడుతూ, భూమా బ్రహ్మానందరెడ్డికి నలభై నుంచి యాభై వేల మధ్య మెజార్టీ లభిస్తుందని అభిప్రాయపడ్డారు. టీడీపీ ప్రభుత్వం, చంద్రబాబు చేపట్టి సంక్షేమ, అభివృద్ది పథకాలే ఈ విజయానికి కారణమని అన్నారు. తమ పార్టీకి అఖండ విజయాన్ని అందించనున్న నంద్యాల ప్రజలకు తన ధన్యవాదాలు తెలుపుతున్నానని అన్నారు.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.