నువ్వు పర్ఫెక్ట్.. నారా లోకేశ్ బర్త్ డే విషెస్, జగన్‌కు కాదు సుమా!

డిసెంబర్ 21.. వైఎస్ జగన్ పుట్టిన రోజు. తమ అధినేత పుట్టిన రోజు సందర్భంగా వైఎస్ఆర్సీపీ కార్యకర్తలు ఘనంగా వేడుకలు నిర్వహిస్తున్నారు. దేశవిదేశాల్లోని జగన్ అభిమానులు కేక్ కట్ చేసి సంబరాలు చేసుకుంటున్నారు. ప్రజాసంకల్ప యాత్రలో భాగంగా పాదయాత్ర చేస్తున్న జగన్.. శ్రీకాకుళం జిల్లాలో అభిమానుల సమక్షంలో కేక్ చేశారు. సోషల్ మీడియాలో జగన్‌కు బర్త్ డే విషెస్ చెబుతూ ప్రముఖులు ట్వీట్లు చేస్తున్నారు.

నారా లోకేశ్ భార్య, నందమూరి బాలకృష్ణ కుమార్తె నారా బ్రాహ్మణి పుట్టిన రోజు కూడా నేడే కావడం విశేషం. తన భార్యకు బర్త్ డే విషెస్ చెబుతూ లోకేశ్ ట్వీట్ చేశారు. ‘పర్ఫెక్షన్‌కు ఏదీ దగ్గరగా రాదని చెబుతుంటారు. కానీ అలా చెప్పిన వారెవరూ నిన్ను చూడలేదు. హ్యాపీ బర్త్ డే బ్రాహ్మణి’ అంటూ లోకేశ్ ట్వీట్ చేశారు.
దంపతులిద్దరూ కొడుకుతో కలిసి దిగిన ఫొటోను లోకేశ్ ట్వీట్ చేశారు. నారా బ్రాహ్మణికి జగన్ ఫ్యాన్స్ కూడా బర్త్ డే విషెస్ చెబుతూ ట్వీట్లు చేయడం విశేషం.