జగన్ మోహన్ రెడ్డికి ఇదే నా ఛాలెంజ్: లోకేష్

నేను పుట్టిన నాటికే మా తాత గారు ముఖ్యమంత్రి, నా కొడుకు దేవాంష్ పుట్టేనాటికే అతడి తాత ముఖ్యమంత్రి. ప్రస్తుతం నా వయస్సు 34 ఏళ్లు. ఇంతకాలంలో నేను ఏనాడు ఏ అవినీతికి పాల్పడలేదు. కానీ నాపై అవినీతి ఆరోపణలు చేస్తున్నారు ప్రతిపక్ష నాయకుడు వైఎస్ జగన్ మోహన్ రెడ్డి. వారు చేసే ఆరోపణలు నిజమే అయితే, ఎక్కడికైనా రావడానికి నేను సిద్ధంగా వున్నాను అని ఛాలెంజ్ విసిరారు ఏపీ మంత్రి లోకేష్.

విశాఖపట్నంలో జరుగుతున్న మహానాడులో పాల్గొన్న విద్యార్థి, యువతని ఉద్దేశించి మాట్లాడుతూ లోకేష్ ఈ సవాల్ చేశారు లోకేష్. 'తన తాత గారైన ఎన్టీఆర్, తన తండ్రి చంద్రబాబు అంత మంచి పేరు తెచ్చుకుంటానో లేదో తెలీదు కానీ... ఏనాడూ వారికి చెడ్డ పేరు మాత్రం తీసుకురానని ఇదే వేదికపై నుంచి హామీ ఇస్తున్నాను' అని అన్నారు లోకేష్. తెలుగు ప్రజలు అందరం అప్రమత్తంగా వుండాల్సిన సమయం ఇది. మనలో చిచ్చు పెట్టడానికి కొంతమంది ప్రత్నిస్తున్నారు. కులం, మతం, ప్రాంతం పేర్లతో మన మధ్యే విధ్వేషాలు రెచ్చగొట్టే ప్రయత్నం చేస్తున్నారని ఈ సందర్భంగా మంత్రి లోకేష్ యువతకి సూచించారు.