ప్రజాప్రతినిధిగా చట్టసభలోకి అడుగుపెట్టిన నారా లోకేష్

తెలుగుదేశం పార్టీ జాతీయ ప్రధాన కార్యదర్శి నారా లోకేష్ నేడు ప్రజాప్రతినిధిగా ఆంధ్రప్రదేశ్ శాసనమండలిలో అడుగుపెట్టారు. ఇటీవల ఎమ్మెల్యేల కోటాలో జరిగిన ఎమ్మెల్సీ ఎన్నికల్లో విజయం సాధించిన నారా లోకేష్ ఇవాళ ఉదయం శాసన మండలి బీఏసీ కౌన్సిల్ హాలులో ప్రమాణస్వీకారం చేశారు. శాసన మండలి చైర్మన్ చక్రపాణి లోకేష్ చేత ప్రమాణస్వీకారం చేయించారు. పలువురు మంత్రులు, ఎమ్మెల్యేలు, ఎమ్మెల్సీలు ఈ ప్రమాణస్వీకారోత్సవంలో పాల్గొన్నారు.

ప్రమాణస్వీకారం ముగిసిన అనంతరం నేతలు లోకేష్‌కి శుభాకాంక్షలు తెలిపారు. ఈ ప్రమాణస్వీకారంతో లోకేష్ తొలిసారిగా ఓ ప్రజాప్రతినిధిగా చట్టసభలో అడుగుపెట్టారు.