రెడ్డి గారికి కంగ్రాట్స్: నరేంద్ర మోదీ

హాట్ హాట్‌గా జరిగిన ఎన్నికల ప్రచారం పుణ్యమా అని కర్నూలు జిల్లా నంద్యాల అసెంబ్లీ నియోజకవర్గానికి జరిగిన ఉప ఎన్నికలు గతంలోనే జాతీయ స్థాయిలో పతాక శీర్షికలకి ఎక్కాయి. ఇక ఈ ఎన్నికల్లో విజయం సాధించిన టీడీపీ అభ్యర్థి భూమా బ్రహ్మానంద రెడ్డిని అభినందిస్తూ తాజాగా ప్రధాని నరేంద్ర మోదీ చేసిన ట్వీట్ కూడా ఓ విధంగా మరోసారి నంద్యాలకి నేషనల్ న్యూస్ హెడ్‌లైన్స్‌లో చోటు లభించేలా చేసింది. భూమా బ్రహ్మానంద రెడ్డితోపాటు తమ కూటమితో జత కట్టిన టీడీపీ శ్రేణులకి కూడా అభినందనలు తెలిపారు మోదీ.
Congratulations to Bhuma Brahmananda Reddy Garu & our valued NDA ally, TDP for the big victory in the Nandyal by-poll. @ncbn— Narendra Modi (@narendramodi) August 28, 2017
భూమా నాగిరెడ్డి మృతి అనంతరం ఆయన ప్రాతినిధ్యం వహించిన నంద్యాల నియోజకవర్గానికి జరిగిన ఉప ఎన్నికల ఫలితాలు ఇవాళే వెల్లడైన సంగతి తెలిసిందే. నువ్వా, నేనా అన్నట్టుగా సాగిన ఈ ఎన్నికల రణంలో భూమా బ్రహ్మానంద రెడ్డి విజయం సాధించారు.